DI-104s

Ben şarab-ı layezalinin müdam mahmuriyem
Bezm-i aşk-ı vahdetin serdar-ı ser memuriyem

Cura nuşan-ı muhabbet şanımı takdis eder
Sakinin pir-i muganın kim dü çeşm-i nuruyem

Sıdk-ı ihlasım der-i meyhaneye malum olub
Bade keşlikte harabat ehlinin meşhuruyem

Zatıma mevrusdur meyhane an ced be ced
Kimsenin bir dahli yok, çün zade-i enguruyem

Sinemde bir bir yazılmış had ü hali dilberan
Aşk tafrasiyle mehmur , sahib-i menşuriyem

Feyz u bade incila vermiş  derun u dideme
Şah-ı hüsnün her taraftan nazır u manzuriyem

Zail oldu perde-i cismim kemal-i şevk ile
Söylerim Talib Enel-hakk alemin mansuriyem