DI-94s

Vech-i pakin  çeşmime Yarabbi seyrangah kıl
"Semme Vechullah" sırrından dilim agah kıl

Masiva zevk-u safasından halas it canımı
Kar u efkarım senin derdinle her dem ah kıl

Mahzen-i aşk-ı mecaziden dilim azad idüb
Gülşen-i bağ-ı hakikatte "Fena fillah" kıl

Aşık-ı hüsn ü cemal et Talib-i vasl u kemal
Mazhar-ı zat-ı tecelli mahrem-i dergah kıl

Cünbüş-i tevhide irgür zevk-i ruhani virüb
Gönlümü seyr-i şuhudunda tecelligah kıl

Terk-i hesti, terk-i nıst-i, terk-i terke vakıf et
Kabiliyet vir bana, şayeste-i dergah kıl

Ben fakiri eyleme muhtac-ı ebna-yı zaman
Sen beni müstağni kıl, erbab-ı cah u şah kıl

Ben ki derviş-i Hudayım, istemem naz u na'im
Talib e ancak visalin matlab u dil-hah kıl