DII-78s

Cemalin Yusuf-i kübra dil-i zarım Züleyhadır
Sana tac ile taht ile kul olmak fahr-i uzmadır

Görenler görmeyenler hep kemal-i hüsnüne müştak
Kimi Vamık, kimi Azra, kimi mecnun u Leyladır

Visalin şevkiyle arz u semada devr iden çoktur
Bu meşrebde kimi İdris, kimi Meryem Mesihadır

Menem Yakub, menem Eyyub, menem hüsnün ile meczub
Nazar etmem dü-kevneyne gözüm vakf-ı dilaradır.

Menem mest-i tecella, aşina-yı ruyet-i mahfi
Muhabbedde menem Musa, makamım tur u sinadır

Halilem ateş-i nemrudu, gülşen eyledi sırrım
Hayat-ı bakidir aşkın ki sırrımdan hüveydadır

Temenni yi visalin ayn-ı vaslındır derunumda.
Menem Talib, menem matlub, dilim kenz-i muammadır.