DI-84s

Bihamdillah hayalin, dilde ağyar-ı unutdurdu
Dü çeşm-i hasrete seyran-ı gül zar-ı unutdurdu

Bila zencir esir itti kemal-i cezbe-i hüsnün
Alub ilm ü amelden kar u efkar-ı unutdurdu

Gına virdi bana hüsnün tulu yı haver-i dilde
Değil şems ü kamer, bil cümle envar-ı unutdurdu

Gicem gündüz gibi ruşen olur ba feyz-i subbuhi
Çerağ-ı şevkin ey cana, şeb-i tar-ı unutdurdu

Ser-encamım cihanda kıssa-i mecnunu feshetti
Nasıl ki Kuran cümle ahbari  unutdurdu

Hadis-i aşk ile gahi, ederdim hatır-ı teskin
Düşünce hayret içre, nazmı eş'arı unutdurdu

Ne halettir temekkün eyledi gönlünde ey Talib
Cemal ü sohbet-i hüban-ı mevhan unutdurdu