DI-86s

Söyleme dildardan gayrı kelam ey mutriba
Çün dem-i sohbet bila vasf-ı habib olur heba

Münbasit olsun dimağ-ı aşıkan bir perde tut
Buy-i irfan-u muhabbet saç hemen misl-i saba

Geh ıraki, geh hicazi, geh neva-i ısfahan
Ba-münacat-ı Huda vasf-ı nebi-i mücteba

Gah hasret, gah gurbetten nida ver aleme
Gahi ah et, gahi söyle el meded ehl-i aba

Vasıl olsun nale-i uşşak sem-i dilbere
Ta ki rahm etsün kudumiyle o mah-ı dir rüba

Neş'e-i feyz-ü tecelliyle göğe çıksun heman
İltifat-ı hutbe-i ehlen ü sehlen merhaba

Dağ-ı hicranın açub ol demde yare arz kıl
Cezbe versin meclise asar-ı aşkın Taliba