DII-22s

Ah bir derd-i deva-düşvare oldum ben esir
Ol zamandan kim gönülde oldu sevda cay-gir
Vadi-yi hayrette kaldım halime sensin habir
El aman ey pir-i piran, el gıyas ey dest gir

Pek zebun etti bu hicran beste-i na-çarı derd
Baht-ı na-yaver reh-i amalim üzre çekti bend
Na pezira-yı devayım dert-mendim dert-mend
El aman ey pir-i piran, el gıyas ey dest gir

Kalb-i naşadım gibi kaldı tahayyürde tabib
Rah-ı mihnette bela mülkünde oldum pek acib
Gör perişan-ı halim merhamet kıl ey Habib
El aman ey pir-i piran, el gıyas ey dest gir

İktiza-yı şefkat olmazmı aceb atf-ı nazar
Düşmüşüm hayretlere can bi-haber dil bi-haber
Bir garib-i rah-ı sevdayım gedayım ser-te ser
El aman ey pir-i piran, el gıyas ey dest gir

Halime agahtır çün kalb-i rahmet ma'denin
İltica-gah-ı umumdur şübhesiz ki damenin
Çare bekler Talib-i naçare lütfundan senin
El aman ey pir-i piran, el gıyas ey dest gir