TERCİ-İ BEND
Ey nur-i ali, nur-i sema-yı şerfeyn ah
Kandil-i felek, hale-i bedr ü kamereyn ah
Ey çeşm-i dil-i bint-i Resulus-sakaleyn ah
Nebave-i amal-i Ali şir-i Huneyn ah
Dergahına düşdüm bana bir çare Hüseyn ah
Dil gamlı, münevveş ciğerim yare Hüseyn ah
Sen gonca-i hoş buy-i gülistan-ı vefasın
Sen cevher-i yek dane-i derya-yı bahasın
Sen mühtahib-i silsile-i al-i abasın
Bi-çarelerin derdine derman-ı revasın
Dergahına düşdüm bana bir çare Hüseyn ah
Dil gamlı, münevveş ciğerim yare Hüseyn ah
Müştak-ı lebn şatt ü fırat derbederindir
İksirine der halk-ı cihan hak-i derindir
Alemde şifahane der-i makberindir
Memduha deva varsa eğer yek nazarındır
Dergahına düşdüm bana bir çare Hüseyn ah
Dil gamlı, münevveş ciğerim yare Hüseyn ah
Bir kemter-i gamgüster-i penç-al-i abayım
Anlar gibi bu darda mahrum-i safayım
Çoktan beri üftade-i sahra-yı belayım
Dil hasta garib, hasılı muhtac-ı atayım
Dergahına düşdüm bana bir çare Hüseyn ah
Dil gamlı, münevveş ciğerim yare Hüseyn ah
Ahvaline rahmeyle bu ümmid-i nevazın
Bağışla beni başına muhbub-i hicazın
Dergah-ı ilahide senin çünkü niyazın
Elbette bulur hüsn-i kabul cilve vü nazın
Dergahına düşdüm bana bir çare Hüseyn ah
Dil gamlı, münevveş ciğerim yare Hüseyn ah
Bir başka vesile bulamam el yak-u a'la
Min gayrüke vallahi illlallhu Te'ala
Zira ki huda vasfını bu vechile a'la
Etti bize Kuranda ey
sıbt-ı mualla
Dergahına düşdüm bana bir çare Hüseyn ah
Dil gamlı, münevveş ciğerim yare Hüseyn ah
Her kim ki ider beyt-i ilahiye dehalet
Dergahına yani ki koyar ru-yi dara'et
Kevneyn de görmez ebedi havf-ü hacalet
Dünyada ve uhrada bulur emn ü selamet
Dergahına düşdüm bana bir çare Hüseyn ah
Dil gamlı, münevveş ciğerim yare Hüseyn ah
Mahrum ola haşa ki bu dergahta adem
Bu kapuda perverde iken bir nice hatem
Bitmez kerm ü ni'meti meşhur u müsellem
Eltabına vabeste değil şehr-i Muharrem
Dergahına düşdüm bana bir çare Hüseyn ah
Dil gamlı, münevveş ciğerim yare Hüseyn ah
Mecruh-i ciğer derd ü gamın ma-hasalıyım
Ben kevser-i feyzin dilerim teşne diliyim
Talib gibi mahsub u muhibb-i ezeliyim
Ez can u ciğer bende-i evlad-ı Aliyim
Dergahına düşdüm bana bir çare Hüseyn ah
Dil gamlı, münevveş ciğerim yare Hüseyn ah